Ատամների իմպլանտների վիրահատությունը այնպիսի՛ միջամտություն է, որը փոխարինում է ատամի արմատները մետաղական, պտուտակավոր հենակետերով, այդպիսով վերականգնելով վնասված կամ բացակայող ատամները՝ արհեստականներով, որոնք բնական տեսք ունեն:

Ատամների իմպլանտները վիրահատական ​​ճանապարհով տեղադրվում են ծնոտի ոսկորում, որտեղ դրանք ծառայում են որպես բացակայող ատամների արմատներ: նկատի ունենալով որ իմպլանտների պարունակած տիտանը միաձուլվում է ծնոտի ոսկորին, իմպլանտները չեն սահում եւ չեն վնասում ոսկորին․ նույնը չե պարագան ամրացված կամուրջների կամ ատամնաշարերի:

Ատամների իմպլանտների վիրահատությունը սովորաբար արտահիվանդանոցային վիրահատություն է, որն իրականացվում է հանգրվաններով եւ ապաքինման համար նախատեսված ընդմիջումներով: Ատամի իմպլանտի տեղադրման գործընթացը ներառում է բազմատեսակ միջամտություններ, ներառյալ՝ վնասված ատամի հեռացում, անհրաժեշտության դեպքում ծնոտի ոսկորի պատվաստում, ատամի իմպլանտի տեղադրում, ոսկորի աճ եւ ապաքինում, հենակետի տեղադրում եւ արհեստական ​​ատամի տեղադրում: 

Վերոնշյալ գործընթացը կարող է տեվել ամիսներ, քանի որ ժամանակի մեծ մասը հատկացվում է ապաքինման եւ ծնոտի պատվաստված ոսկորների աճին: 

Ատամների իմպլանտները կարող են պահպանվել ողջ կյանքի ընթացքում: Իմպլանտի պտուտակն ինքնին կարող է երբեք չփոխարինվել նորով, մասանվորաբար երբ հիվանդը պարբերաբար ստուգվում է ատամնաբուժի մոտ: Պսակները սակայն, անկախ իրենց որակից, մաշվում են եւ 10-15 տարի անց փոխարինման կարիք է զգացվում դրանց մոտ:

• Դիմածնոտային վիրաբույժի խորհրդատվություն և նախնական հետազոտություն մինչ վիրահատությունը;
• Բուժման պլանի կազմում;
• Տեղային անզգայացում և իմպլանտի տեղադրման վիրահատություն;
• Բուժիչ հենակետի (լնդային ձևավորիչի) տեղադրում;
• Հենակետի տեղադրում ;
• Մշտական ​​ատամնապսակների, կամուրջի կամ պրոթեզի պատրաստում եւ տեղադրում։ Ըստ կատարվող միջամտության բարդության, գործընթացը կարող է տևել 7 օրից մինչև 1 ամիս ;
• Իմպլանտի որակի երաշխիք;
• Դեղորայքի նշանակում ՝ հետվիրահատական շրջանի հսկողություն։

Վիրահատության փաթեթի արժեքը կախված է ընտրված իմպլանտի և ատամնապսակի քանակից, որակից և տեսակից։ 

Սեդատիվ անզգայացումն իրականացվում է հիվանդի ցանկությամբ, որը հավելյալ միջամտություն է և պահանջում է հավելյալ վճարում:

Ըստ Ձեր նախընտրության՝ ճամփորդական փաթեթը կարող է ներառել.

• Հյուրընկալում  Երևանում (հյուրանոց կամ բնակարան);

Հայաստանում գտնվելու ավելի հստակ ժամկետները որոշվում են տեղում՝ խորհրդատվության ժամանակ՝ ելնելով հավելյալ բժշկական գործընթացների անհրաժեշտությունից  (լրացուցիչ  հետազոտություններ, բերանի խոռոչի սանացիա, լնդերի բուժում, կարերի տեղադրում, կարերի հեռացում, ժամանակավոր ատամնապսակների տեղադրում և այլն);

• Տեղափոխում օդանավակայան-հյուրանոց (բնակարան)-օդանավակայան;
• Տեղափոխում հյուրանոց (բնակարան) - կլինիկա - հյուրանոց (ըստ վիրաբույժի նշանակած ժամանակացույցի);
• Ուղեկցող  օգնականի ծառայություններ;
• Մասնագիտական թարգմանչական ծառայություններ;
• Ճանապարհորդական ապահովագրություն;
• City-tour Երևանի կենտրոնում՝ էքսկուրսավարի ուղեկցությամբ;
• Շրջագայություն Երևանի մերձակայքում՝ էքսկուրսավարի ուղեկցությամբ;
• Ռեստորանների, թանգարանների, երաժշտական ​​ակումբների (ջազ, հայկական ֆոլկլոր և այլն) ամրագրում։   

 Հավելյալ վճարովի բժշկական միջամտություններ՝ ըստ անհրաժեշտության․

• Նախավիրահատական ​​ախտորոշումների ծավալը  (ատամների CT սկանավորում, արյան ընդհանուր հետազոտություն, ԷԿԳ) որոշվում է տեղում մասնագետի հետ։

• Անհրաժեշտության դեպքում հեռացվում են ատամնաքարերը, ինչպես նաև բուժվում են կարիեսը և բերանի խոռոչի այն հիվանդությունները, որոնք խանգարում են իմպլանտների սերտաճմանը (օստեոինտեգրացիային): Վերոնշյալ բուժումների կիրառման անհրաժեշտությունը որոշվում է տեղում՝ մասնագետի միջոցով։ 

• Եթե ​​իմպլանտացիայի վայրում ոսկրային հյուսվածքի ծավալը անբավարար է, հիվանդին առաջարկվում է ծնոտի ոսկորի վերականգնում (աուգմենտացիա), իսկ վերին ծնոտի վրա՝ սինուս լիֆտինգ: Վերոնշյալ վիրահատական գործընթացների կիրառման անհրաժեշտությունը որոշվում է տեղում՝ մասնագետի միջոցով։       
• Ժամանակավոր ատամնպսակի տեղադրումը պարտադիր չէ. նրա անհրաժեշտությունը որոշվում է տեղում՝ ըստ իրավիճակի։

Մենք գնահատում ենք Ձեր վստահությունը և երաշխավորում ենք Ձեր բժշկական տեղեկության գաղտնիությունը։