ՄԵՆՔ

Վերջին տարիներին Հայաստանը դարձել է բժշկական զբոսաշրջության հանրաճանաչ վայր եւ մարդիկ ընտրում են Հայաստանը տարբեր վիրահատությունների, բուժման և էսթետիկ միջամտությունների համար՝ շնորհիվ իր բժշկական ծառայությունների մատչելիության, բարձր որակավորում ունեցող բժիշկների և ակնառու բժշկական հաստատությունների:

Բժշկական զբոսաշրջության ապահով վայր լինելու Հայաստանի աճող համբավը պատճառ հանդիսացավ, որպեսզի տարբեր երկրներում աշխատանքային հարուստ փորձ ունեցող հայրենադարձների մի խումբ միավորի իր ուժերը՝ ստեղծելու համար MedWay բժշկական զբոսաշրջության ընկերությունը։ «Բծախնդիր ծրագրավորում և բարձրակարգ հոգատարություն» ապահովելու իր առաքելությամբ` MedWay-ը հոգատար է լինելու նրանց համար, ովքեր հետաքրքրված են բարձրորակ բուժում ստանալ Հայաստանում:

MedWay-ի մասնագիտական թիմն ամբողջությամբ հետամուտ է լինում աջակցել դիմորդների բժշկական ճանապարհորդությանը՝ սկսած տեղեկատվական փուլից մինչև Հայաստանում կեցություն ապահովելը, ինչպես նաև շարունակականօրեն հետևում և աջակցում է նրանց նախաբուժական և հետբուժական միջամտության փուլերում, մինչև նրանք կվերադառնան իրենց երկրները։

Ավելին․ հավատարիմ լինելով իր առաքելությանը, MedWay-ի թիմը տրամադրում է մի շարք լրացուցիչ ծառայություններ յուրաքանչյուր ճանապարհորդություն հիշարժան և հարմարավետ դարձնելու համար՝ հաշվի առնելով յուրաքանչյուր անհատի պահանջներն ու նախասիրությունները:

Ըստ դիմորդի ներկայացրած պահանջի, համապատասխան բժշկի գտնելը չափազանց կարևոր է MedWay-ի թիմի համար, որին հասանելի են Հայաստանի բարձր հեղինակություն վայելող բժիշկներն ու կլինիկաները:

MedWay-ը կարող է կազմակերպել անվճար առցանց խորհրդատվություն բժշկի հետ, և յուրաքանչյուր դիմորդի պարագան անհատապես ուսումնասիրվում է եւ համապատասխանաբար առաջարկվում է անհատականացված բուժման ծրագիր:

Եթե որեւե բժշկական ծառայութուն չի ներառվել MedWay-ի կայքում ներկայացված բժշկական ծառայությունների ցանկում, ապա թիմը կը դիմի Հայաստանի լավագույն առողջապահական մասնագետներին՝ համապատասխան բժիշկը հասանելի դարձնելով դիմորդին ։

Վերջապես, կարևոր է նշել, որ MedWay-ը չունի բժիշկների/կլինիկաների նախընտրություն, և նրա միակ նպատակն է հեշտացնել դիմորդի բժշկական ճանապարհորդությունը՝ ըստ դիմորդի ընտրության և նախասիրության։ Պետք է նշել, որ ոչ մի դեպքում MedWay-ի միջոցով ուղղորդումը չի հանգեցնում դիմորդների համար հավելյալ բժշկական ծախսերի, քանի որ MedWay-ի եզակի արժեքը հիմնված է բծախնդիր ծրագրավորման և բարձրակարգ հոգատարության տրամադրման վրա՝ այն նույն գներով, որոնք դիմորդները պիտի ստանային՝ ուղղակիորեն դիմելով բժիշկներին/կլինիկաներին: