Ուլտրաձայնային կավիտացիան քաշի կորստի համար լավագույն, ժամանակակից, ոչ վիրահատական ապարատային միջամտություններից է, որն իր ազդեցությամբ համեմատելի է վիրաբուժական լիպոսակցիայի հետ: Ցածր հաճախականության ուլտրաձայնային ալիքները ուղղակիորեն ազդում են ենթամաշկային ճարպային հյուսվածքի վրա:
Ուլտրաձայնային ալիքների ազդեցության տակ (30 - 40 կՀց) տեղի է ունենում լիպոլիզ, այսինքն ՝ ճարպային բջիջները մեծանում են չափերով, արդյունքում դրանց թաղանթները ձգվում են եւ պատռվում, իսկ քայքայման արդյունքում դուրս եկած նյութերը՝ տրիգլիցերիդները, ներթափանցելով միջբջջային տարածություն, հեռացվում են բնական ճանապարհով՝ ավշային համակարգի միջոցով։
Արդյունքում մաշկը ձեռք է բերում առաձգականություն և հարթություն, մարմնի ուրվագիծը դառնում է սլացիկ։